اولا عيزه اعرفكو حاجه ان الحمام المغربي ده بيساعد جامد اوي على تفتيح سمار الشمس وطبعا معروف ان الحمام المغربي تحفه لكن عشان اروح اعمله بره ده صعب لسببين طبعا معروف ده حمام ووحده اللي بتعمله واكيد اجسامنا غاليه علينا تاني حاجه انه إلى حد ما مكلف عند البعض منا عشان كده انا جبتلكم الطريقه عشان نقدر نعمله في البيت
المواد اللي هنحتاجها
1- صابون بلدي او صابون مغربي ( الصابون ده بيكون زي الكريم المتماسك ولونه بيكون اسود )
2-حناء وياريت مش تكون الحنه الجاهزه المطحونه ياريت نشتريها اوراق ونطحنها وننخلها عشان تكون بودره ناعمه خالص عشان االحنه الجاهزه بتكون مغشوشه
3- عصير لمون
4- طمي مغربي
5- ليفه مغربيه
6-حجر خفاف
7- مناديل كلينكس
8- صابون الطاوس ( في منه انواع كتير اوي اختاري اللي يناسبك )
9- ماء ورد
الخطوات
1- نملى البانيو ميه سخنه ونسخن الحمام خالص نعمله ساونا
2-ندخل البانيو الميلان بالميه السخنه وده طبعا حسب تحمل البشره للسخونيه دي لمده عشر دقايق بس ونطلع من الميه
3- هنخلط الصابون مع الحناء و الليمون وهنحطه على جسمنا كلنا ونركز اوي على المناطق الدهنيه في الجسم وهنسيبه على جسمنا لمده عشر دقايق واكيد تبعنا مش هننسى الوجه بس هنحطه ونشيله علطول عشان مش يأذي العين
4- بعد كده هنشطف الجسم كويس اوي بالميه السخنه وهنفركه بالليفه من تحت لفوق في حركات دائريه للشمال عشان ننشط الدوره الدمويه للجسم ونركز اوي على المناطق الخشنه في الجسم
5- بعد كده هنبدا نشيل الرؤس السوداء اللي في الوجه لان مسام الوجه هتكون متفتحه وهيكون سهل اوي ازالتها
6- بعد كده هنخلط الطمي المغربي مع ماء الوردو عصير الليمون على كل الجسم وكمان الشعر ( لو الشعر دهني ) وهنسيبه
7- بعد كده هنفرك رجلنا بالحجر الخفاف وهتكون رجلنا رطبه وسهل اوي اننا نزيل الجلد الميت
8- بعد كده هنشطف جسمنا وشعرنا من الطمي كويس اوي وبعد كده هنغسل جسمنا بصابون الطاوس
9- بعد كده بقى خلاص هنشف جسمنا وبالكلينكس المبلول بماء الورد هنمرره على جسمنا عشان الجسم ينتعش اكتر
كده خلاص خلص الحمام المغربي وياريت يتعمل كل اسبوع او اسبوعين بالكتير اوي عشان نشيل كل الخلايا الميته اللي في جسمنا اللي بتتكون كل اسبوع