حلال ليهم وحرام لينا

كل حاجه هما يعملوها تبقى حلوه لكن احنا بقى لا طبعا ازاي ومش ازاي وكل حاجه لا لا .

عدم مساوا بين الصبيان والبنات في كل حاجه .
البنت اكيد مش ينفع انها ترتبط بولد ارتباط غير رسمي لكن الولد غلط انه يرتبط بواحده بس ومش ينفع يعدي يوم من غير مايعرف واحده تانيه لكن طبعا لو عرف ان اخته مرتبطه بشاب دي تبقى واقعه سودا ازاي ومش ازاي والبنت تتحرم من كل حاجه في حين انهم عارفين ان الولد مرتبط مش ببنت واحده لا ده باكترمن واحده .
الصبيان الظاهرعليها فاهمه معنى الرجوله غلط ولا ايه؟؟؟؟؟؟؟؟؟؟؟؟؟

وشوفوا بقى اللي بيحصل لما الاب يدخل على بينته وهي بتتكلم في التليفون مع واحده صاحبتها والاب شك فيها ياخد منها الموبايل ويعرف هي بتكلم مين وبتقول ايه ويفضل جمبها لحد ما تخلص المكالمه
إنما لو دخل على ابنه وهو عارف ومتأكده انه بيكلم بنت هيبصلو بنظره مليانه حب ويبتسم وفي سره طبعا يدعيلو ربنا يحميك ياحبيبي لشبابك .

تعالوا بقى اتفرجوا على جريمه الزنا البنت طبعا بعد ما تموت من الضرب والتعذيب لانها طبعا جابت العار والفضيحه مصيرها واحد من الاثنين يا الرمي في الشارع وده طبعا قليل اوي او انها خلاص مش تستحق انها تعيش لحظه بعد كده
لكن الولد بقى هو كبيره شخطتتين وضربتين وكده غلط ياحبيبي مش تعمل كده تاني عشان كده حرام
بالذمه ده كلام ده ربنا لما حدد عقوبه للزنا قال

قال تعالى في سوره النور " سوره انزلنها وفرضنها وانزلنا فيها ءايت بينت لعلكم تذكرن الزانيه والزاني فاجلد كل وحد منهما مائه جلده ولا تأخذكم بهما رأفه في دين الله إن كنتم تئمنون بالله وباليوم الاخر وليشهد عذابهما طائفه من المؤمنين" صدق الله العظيم .

انا مش اقصد من الموضوع ده ان البنات تترتبط بالصبيان عادي لا بالعكس انا اصر رافضه ان البنت تترتبط ارتباط غير رسمي بس اللي اقصده ان الولد زي مابيخاف على اخته لازم يخاف على غيرها والاب زي ما بيخاف على بنته يخاف على بنات الناس.